Ginlalauman nga yana nga semana in magsusumite an defense team ni VP Sara Duterte hin request para ha pagi-isyu han subpoena ha mga testigo nga ig-aatubang ha utro nga pagpadayon han impeachment trial ha Lunes, Nobyembre 9.
Sumala kan Senate Impeachmment Clerk of Court Atty. Renato Bantug Jr., nga waray pa hira nakakarawat nga request tikang ha depensa ngan nag-isyu na gihapon hira hin advisory para ha pagdungog ngan ginpasabot na gihapon nira an defense team nga magsumite hin listahan han mga testigo.
Basar ha impeachment rules, lima ka-adlaw ugsa an pag-atubang ha testigo ha Impeachment Court in kinahanglan na nga makagsumite hin request for subpoena, pero kun boluntaryo naman an witness in dire na hini kinahanglan hin subpoena pero kinahanglan la gihapon abisuhan an korte ngan an prosekusyon.
Ha masunod nga semana in utro nga igpapadayon an impeachment trial kun diin depensa ni VP Sara naman an maglalatag hin mga dokumento ngan testigo ngan ginlalauman nga babatunon ngan dedepensaran an Article 2 o an dire maieksplikar nga karikohan ngan dire insakto nga pagdeklara han Statement of Assets, Liabilities and Net Worth (SALN) han bise.