Nanawagan hi Senate Foreign Relations Committee Chairman Erwin Tulfo ha gobyerno han Japan nga pag-adman an hangyo han Pilipinas nga tanggalon an mga taripa ha mga produkto nga heated tobacco nga himo ha nasud.
Kaupod gihapon ha ginhahangyo nga pahamtangan hin zero tariff an mga prutas nga iba pa nga produkto nga agrikultural nga tikang o himo ha Pilipinas.
Ha pag-atender ni Tulfo kaupod an iba pa nga magbabalaod ha ika-70 nga anibersaryo han pagkasangkay han Japan ngan Pilipinas, panuyo han nasabi nga hangyo nga pakusgon an sumpayan nga pan-ekonomiya han duha nga nasud ha ilarom han Philippines-Japan Economic Partnership Agreement (PJEPA).
Dire pa kaupod ha kasabutan an mga produkto nga heated tobacco ngan iba pa nga mga agricultural products ha mga produkto nga mayda 90 porsyento nga igin iban ha taripa.
Natuod an senador nga dire la hini masisigurado an padayon nga suplay han mga produkto ha mga kahigrani nga nasud ha Asya kundi mapapakusog gihapon an mga industriya nga manufacturing, agriculture, ngan export han Pilipinas nga makakabulig ha sobra pa nga pagpaparibhong han ekonomiya.