-- Advertisements --
Ginsigurado han Malakanyang nga waray magigin paghitaas ha presyo han mga pangunahon nga papliton kutob ha katapusan han tuig.
Sumala kan Palace Press Officer USec. Claire Castro, papahugton han gobyerno an pagbabantay ha presyo ngan suplay han mga produkto ha pamamaagi han joint market monitoring han Department of Trade and Industry ngan Department of Agriculture.
Sakop han pagbabantay an 190 nga pangunahon nga produkto nga aada ha ilarum han price monitoring han DTI ngan gisigurado hini nga dire magkakamayda hin kakulangan ha suplay han mga pangunahon nga papliton ha nasud.
Gin-aghat naman han Palasyo an publiko nga magin mabinantayon ngan i-report ha DTI an mga tindahan nga matalapas ha nakatalaan nga presyo o iton mansisingabot.