Nasalbar han Philippine National Police an sobra 150 nga mga langyawanon ha usa nga gintutuohan nga parcel scam hub ha Pasay City.
Nagin susi ha pagkadiskubre han nasabi nga scam hub an mga naka-eskapo nga duha nga Indonesian national nga umaro hin bulig ha mga kapulisan kun diin, nabaruan nga Indonesian ngan duha nga Malaysian national an lider han scam operation ngan duha na ka-bulan aktibo an grupo ha ira pambibiktima.
Sumala kan PNP chief Gen. Jose Melencio Nartatez Jr., nga target han grupo an mga kababayan nira ha Indonesia ngan Malaysia kun diin may ginpapadara nga mga package ngan hahadlokon nga mayda ini sulod nga kontrabado kutob nga maghatag hin kwarta an mga biktima.
Mahitungod hini, in dayon nga ginmadohan han PNP chief an mga kapulisan nga magdumara hin mahugot nga imbestigasyon agud masabtan kun pira an mga kasabwat han mga ini ngan ginandam gihapon an mga kaso kontra ha mga nadakop nga mga suspek.