Nagpapabilin nga aada ha kritikal nga kabutang an sikat nga komedyante nga hi Gil Aducal Morales o mas kilala kumo Ate Gay tikang han madara ini ha emergency room han Asian Hospital dida han Oktubre 17.
Ini in mahuman makaeksperyensya hin septic shock ngan acute respiratory failure secondary to pneunomia—usa nga impeksyon nga nakakaapekto ha paghinga ngan blood circulation.
Ha iginpagawas nga paghayag han pamilya ni Ate Gay dida han Biyernes, presente pa nga aadto ha Intensive Care Unit (ICU) an komedyante.
Na-diagnose na gihapon hadto an komedyante hin mucoepidermoid squamous cell carcinoma, usa nga kakaiba nga klase hin cancer.
Pero dida la han Oktubre 29, nakaeksperyensya hin stroke an komedyante ngan nag-angkon hin danyos ha tu-o nga parte han iya utak.
“Gayunpaman, ipinaalam po sa amin ng kanyang mga doktor nitong Oct. 29 na nagkaroon siya ng pinsala sa kanang bahagi ng kanyang utak dahil sa stroke. Sa kasalukuyan, umaasa pa rin siya sa mga life-support machine upang masuportahan ang mahahalagang function ng kanyang katawan. Nananatili pong kritikal at guarded ang kanyang kondisyon,” subay ha pahayag.
Nanawagan naman utro an pamilya han komedyante para ha anuman nga bulig-pinansyal nga pwede maipaabot ha ira.
Ginprubaran na daw gihapon nira umaro hin bulig tikang ha mga ahensya han gobyerno, charities, ngan mga pribado nga indibidwal agud maipadayon an pagpapatambal ha komedyante.
“Humihingi rin po kami ng paumanhin dahil patuloy kaming lumalapit at humihingi ng tulong sa inyong lahat,” dugang pa ha pahayag.
Ginpasalamatan na gihapon han pamilya ni Ate Gay an mga nagpaabot han ira mga bulig, pag-ampo, ngan suporta.
