Gin klaro han Department of Budget and Management (DBM) nga waray na hira magpagawas hin pondo para ha mga unprogrammed appropriations ha tuig-2024 ngan 2025 ha national budget nga igin deklara han Korte Suprema nga unconstitutional.
Ha budget hearing han Senado, ginmalatumat ni Budget Secretary Kim Robert de Leon nga bug-os o dire pa nalalabtan an sakop han Supreme Court ruling nga P17.99 bilyon nga special road fund han DPWH para ha tuig-2025.
Dire na gihapon lalabtan an sakop han SC ruling nga special provisions ha 2026 national budget kasumpay ha unprogrammed appropriations.
Waray naman igpapagawas nga pondo tikang ha 2024 national budget mahuman nga mag-expire an duha katuig hini nga validity dida han Disyembre 31, 2025.
Gin pakianhan gihapon han senador hi De Leon kun patiunan-o igpapatuman an Supreme Court ruling para ha hingadayan nira nga nasyunal budget para ha 2027.
Maaro naman hin pagklaro an DBM ha Supreme Court pinaagi han Office of the Solicitor General mahitungod ha damo nga operational issues ngan damo pa nga unreleased nga pondo.