Ginakusaran ni Vice President Sara Duterte an administrasyon nga Marcos ha paggamit han mga alegasyon kontra ha iya kasumpay ha isyu han China-funded business ventures ngan drug bust ha Laos, magin an travel authority hini ha Laos, agud paiwason hiya ha pwesto.
Ha ginpagawas nga opisyal nga pahayag han Office of the Vice Presidente dida han Oktubre 20, ginbuhos han bise presidente an sentimyento hini nga gindadabi hiya han gobyerno ha mga panibag-o nga isyu agud pagawson ini kumo tarhgog ha isyu panseguridad mahitungod nga pakyas pamatud-an han prosecution team han Kamara an mga akusasyon kontra ha iya.
Ginmalatumat ni Duterte nga “fabricated” o hinimo-himo la an travel authority hini ha Laos kasunod han pagsarang han dokumento nga bumyahe ha Laos an bise ngan gintawag nga desperado an administrasyon nga idabi hiya ha Laos drug bust.
Dugang pa hini, ginpanhimuwa gihapon han Malakanyang nga waray kamatuoran an daw nasabi nga Laos travel authority han opisina han bise ngan ginklaro gihapon han Department of the Interior and Local Government nga waray koneksyon an pamilya Duterte ha nasabi nga drug bust.
