Ginhuman han China an kampanya han Pilipinas ha women’s double tennis han 20th Asian Games nga gindumara ha Aichi-Nagoya, Japan mahuman pirdihon nira Jiang Xinyu ngan Yang Zhaoxuan an Filipina tandem nira Alex Eala ngan Shaira Rivera ha straight-set victory.
Nagin dikit an mulay ha siyahan nga set, kun diin parehas nagbalyuay hin puntos an duha nga pares. Sugadman nakakuha hin momentum an Chinese duo ha urhi nga parte han set agud makuha an daog ha siyahan nga set.
Pagsulod han ikaduha nga set, nagkamayda hin maupay nga rally an mulay, pero nakaptan han China an momentum ha urhi nga parte han mulay ngan ginselyohan an ira daog.
Ini an ikaduha nga mulay nira Eala ngan Rivera ha women’s doubles mahuman nira pirdehon an Hong Kong pair nga hira Lai Ching Laam ngan Kallista Liu dida han opening round.
