An total assets han Philippine banking system in humitaas hin 10.7 porsyentyo tubtob P30.72 trillion dida han Hulyo, kun diin suportado ini han sustained lending ngan deposit growth, sumala ha preliminary data han Bangko Sentral ng Pilipinas (BSP).
Humitaas tikang ha P27.74 trillion an total assets lakip an loans, investments, cash ngan iba pa nga holdings dida han nakalabay nga tuig. An annual expansion in mahitungod han dako nga stock ha loans ngan investments, kaupod an pagtubo han deposits agud buligan nga pondohan an ira operasyon.
Samtang, an total loan portfolio, lakip an lending han iba nga bangko ngan short-term placements in humitaas hin 10.8 porsyento tubtob P16.91 trillion dida han Hulyo tikang ha P15.26 trillion.
Ginpahayag ni RCBC chief economist Michael Ricafort nga an annual asset expansion in tumubo hin 10 porsyento kun diin an mga kunsumidor in mas madagmit nga nangungutang ha mga bangko.
