Ginbatikos ni Labor Leader Ka Leody de Guzman an Wage Order No. 28 nga ginpagawas han Wage Board, nga nagpapatuman hin P60 wage increase para ha mga trabahador nga Pilipino ha Metro Manila.
Ginkontra hini an bag-o nga mando tungod diri nalakip an kadugangan nga P25 tikang ha syahan nga Wage Order No. 27, nga nagtutudlok ha kabug-usan nga P85 nga dugang nga sweldo nga gintunga ha duha nga tranche.
Mahihinumduman nga temporaryo nga nalangan an pagpapatuman han wage increase ha Metro Manila tungod ha injunction order nga ginpagawas han Pasig RTC.
Kanit hini, ginpahayag gihapon ni DOLE Secretary Francis Tolentiono ha nagin deliberasyon han panukala nga pondo han ahensya ha kongreso nga waray hira kapasidad nga igbalik an nalangan nga paghitaas han sweldo tungod an korte suprema an may gahum nga magdesisyon hini nga istoryahon.
