ODD NEWS – Usa nga 97-anyos nga lola ha Utah, US an nakarawat na an iya high school diploma, walo kadekada mahuman nga umundang ha pag iskuyla.
Dida han 1940s, napiritan daw nga umundang ha pag iskuyla hi Kathryn Cole para buligan an iya pamilya. Nakada na ha Grade 12 hadto hi Cole ngan kinahanglan nala hine makompleto an usa nga English subject para mahuman an high school pero kamamatay la han iya lolo ngan kinahanglan hine magtrabaho para ha iya pamilya.
Sumala han Cole, dida han adlaw han lubong han iya lolo in adlaw gihapon han iya final exams ha iya iskuylahan.
Ha presente in nagbo-volunteer hi Cole ha Tabiona Public School para buligan nga magbasa an mga kabataan didto. Mahitungod hine in nahuna-hunaan han Tabiona High School nga kilal-on an volunteer work ngan ig credit ha English subject ni Cole dida han high school. Yana nga graduation season in nakawarat na ni Cole an iya pinahingyap nga diploma.
