ODD – Usa nga 94-anyos nga lalaki ha Minnesota, USA an nakaghipatik hin world record ha pagigin pinakalagas nga driver han bugs ha bug-os nga kalibutan.
Ginkumpirma han records keeping organization na Guinness World Records nga hi Jim Oppegard an presente nga may kapot han world record ha titulo nga “World’s Oldest Bus Driver” mahitungod ha iya edad nga 94.
Nagtikang nga mag-drive hin bug hi Oppegard dida han hiya in 45-anyos. Nagretiro ine ha edad nga 65 pero waray mag-iha an iya retirement ngan bumalik gihapon ha pagigin bus driver mahitungod nga nabo-bored daw ine ha iya balay.
Mahitungod han iya edad, kinahanglan hine nga maipasar an iya naman tinuig nga physical exam. Sumala ha employer ni Oppegard nga Northstar Bus Lines, nabilib hira nga maupay nga panlawas hine.
Ha presente, nagda-drive hi Oppegard hin school bus ngan an sweldo hine in ginpapadara niya ha Christian ministry nga gintindog han iya anak Africa.
