TACLOBAN CITY- Guinpaparayaw han Leyte DepEd Division an maabot 8 nga nakuha nga medalya han mga pambato han Eastern Visayas Regional Athletic Association (EVRAA) ha nagpapadayun nga Palarong Pambansa 2017 ha Antique.
Sumala kan Schools Division Superintendent Ronelo Al Firmo han Leyte DepEd Division nga dako na nga dungog an naangkon nga 8 nga gold medal han mga athleta ha rehiyon tikang ha magkadirudilain nga mga mulay kun diin naglalaum naman ini nga madugangan pa an ihap han mga kadaugan.
Dugang pa ni Firmo, nga may nakatalaan guihapon nga igpanhatag nga cash incentives an DepEd ha mga athleta nga makakag-uli hin medalya ha rehiyon.
Guinlalauman naman ni Firmo nga igpapadara ha nasud Indonesia an mga magiging winner han Palarong Pambansa 2017.
Samtang, nakatalaan naman nga manguli ha rehiyon an mga coaches ngan mga atleta ha tiarabot nga adlaw han Sabado.
