TACLOBAN CITY- Ginpahibaro han Department of Health Eastern Visayas, nga nakaghipatik an ira buhatan hin kabug-usan nga 7,145 na kaso ng dengue mula Enero 1 hanggang Agosto 10, 2024.
Sumala kan Jelyn Lopez Malibago, Infromation Officer han Department of Health Eastern Visayas, nga ha nasabi nga ihap mayda na maabot ha 18 an mga namatay ha nasabi nga sakit.
Dugang pa hine, ada ine ha 187% nga mas hitaas kumpara ha kaparehos nga panahon han nakalabay nga tuig, kun diin ada la ha 2,487 an naitala nga kaso ngan 8 naman an namatay.
Ha ira gintatawag nga Morbidity Week 32, umabot ine hin 221% an ginhitaas han mga kaso tikang naman ine han Agusto 4-10, kun diin kabalyo ine han 1,087 nga cases, kumpara ha 328 nga kaso hadton Morbidity Week 31.
Ginmalatumat hine nga an probinsya han Leyte an may pinakahitaas nga ihap han kaso nga umabot hin 2,315 nga kaso kabalyo ine hin 32% nga cases ha rehiyon.
Mababaruan, kadam-an ha mga naapektaran, in mga kalalakin-an nga ada ha edad nga 1-10 anyos.
Gin-aaghat naman han nasabi nga tagapagyakan an publiko, nga padayon sundon an ginpapatuman nga 5S Strategy agud nga mapugngan an pagsarang o pagdamo han kaso hiton dengue.
