ODD NEWS – Tikang han igkasal hi Jivuben Valabhai Rabari ha iya mister 45 katuig na an nakakalabay, in waray la gihapon hira katatagi hin anak.
Mababaruan ha kada nagproprobar hira nga magkamayda hin anak in dire nagigin manilapuson an pagbuburod hi Jivuben.
Ngan han mag 70-anyos hi Rabari, nakilala niya an gynecologist nga hi Dr. Bhanushali.
Han syahan nga pagdaop ni Rabari ha doktor in ginbaribaran ine matungod ha iya edad nga pero matungod nga pursigido nga magkamayda hin anak an mao nga babaye in umabuyon ine ha doktor nga igpailarom hiya ha IVF treatment.
Mababaruan nga dire nagin masayon an proseso han insemination kan Rabari matungod nga 20 katuig na ine nga menopause.
Matungod dinhe, gintagan hiya hin hormone treatments ngan ginpailarom gihapon hiya ha uterus widening procedure.
Mahuman an mao nga mga proseso, in gintanuman hiya hin usa nga embryo ha bulig han IVF.
Pagkahuman an 25-diyas, nakit-an na an heartbeat han embryo ngan nagin maupay na an pag-buburod han mao nga babaye.
Pag-abot han ika-walo kabulan han pagbuburod ni Rabari, nagin delikado an hypertension sanglit nga ginpailarom ine ha sayo nga delivery bisan ha kaluyo nga walo ka bulan pala an bata ha iya tiyan.
Nagin manilampuson naman an panganganak ni Rabari, kun diin nagkamayda ine hin anak nga lalaki.
