METRO MANILA – Ginpahayag ni Senate President Pro Tempore Panfilo Lacson nga pito nga senador na an pumirma ha partial committee report han Senate Blue Ribbon Committee kasumpay han anomalya ha mga flood control projects.
Sumala kan Lacson, nga amo gihapon an chairman han komite, an pinaka-urhi nga pumirma in hi Sen. Raffy Tulfo. Kaupod ha mga pumirma ha report an mga senador nga hira Erwin Tulfo (vice chair han komite), Risa Hontiveros, Paolo “Bam” Aquino IV, Francis “Kiko” Pangilinan, Raffy Tulfo, Senate President Vicente “Tito” Sotto III, ngan mismo hi Lacson.
Sugadman, ginmalatumat ni Lacson nga kulang pa ini ha kinahanglan nga siyam nga pirma agud maisalang ha plenaryo an paghisgot ngan aksyon ha committee report, kasunod ha rules han Senado.
Ha iya privilege speech, ginduon ni Lacson nga haros tulo ka-bulan na nga naka-tengga an report ngan gintagan-duon nga an sulod hini in dire na bag-o ngan na-validate na gihapon.
Samtang, hi Sen. Rodante Marcoleta, nga kaupod ha minority bloc, in nag-eksplikar nga waray hiya pumirma ha report mahitungod ha isyu han proseso ngan dokumento nga nakarawat niya. Pero duon ni Lacson, an orihinal nga kopya han report in may pirma na niya ngan an digital copy an opisyal nga ginpadara ha mga miyembro.
