Gin kumpirma han Ministry of Interior Qatar nga natad-an na an pito ka tawo nga naawat an kinabuhi mahuman lumaprak an gin sasakyan nga helicopter ha territorial waters han Qatar.
Sumala ha mga otoridad, na rekober han search and rescue team an pito nga mga sakay han helicopter.
An mga sakay hini in gin kakabug-usan han upat nga Qatari military personnel, usa nga Turkish serviceman, ngan duha nga technician tikang ha Turkish defense company.
An nasabi nga mga sakay han helicopter in kaparti han ira military exercise kundiin, may-ada base militar an Turkey ha Qatar tikang pa han tuig 2014.
Una na igin malatumat han Ministry Defense of Qatar an posible nga pagkakaada hin teknikal nga aberya han helicopter ug gin klaro pa hini nga waray indikasyon hin pag-atake ha mao nga pan hinabo sugad man diri pa sigurado kun an lumaprak nga aircraft in gin tatagiyahan han mga militar o pribado nga mga indibidwal.
Samtang, ini naman an kauna-unahan nga naitala nga aviation-related incident ha Qatar ha butnga han nagpapadayon nga gyera ha Middle East.
Padayon pa naman nga gin aadman han mga otoridad an tinuod nga rason han pag laprak han nasabi nga helicopter.
