INTERNATIONAL–Maabot ha 64 katawo an namatay ha halu-ag nga anti-crime drive han kapulisan ha Rio de Janeiro ha Brazil.
Kalakip han mga namatay an 4 ka kapulisan mahuman nga nanlaban an pira ka mga suspek.
Target han otoridad nga mapuypoy an mga nahihitabo nga krimen han Comando Vermelho Criminal Group.
Umabot naman hin usa katuig ugsa pagdumaraon an operasyon kalakip an 2,500 nga mga military ngan civilian police personnel.
Mababaruan nga an Commando Vermelho (CV) an pinaka-daan nga criminal organization ha Brazil.
Ada naman ha 81 katawo an naaresto han mga otoridad kun diin gumamit pa an mga ini hin drone para kontrahon an kapulisan.
Gin-aghat naman ni Rio de Janeiro State Governor Claudio Castro an mga residente nga magpabilin la anay ha ira mga panimalay, samtang padayon pa an ginhihimo nga panginano han mga otoridad.
