TACLOBAN CITY – Nakapasar ha validation an 64 ha 68 nga mga eskwelahan ha Samar para hiton pagdudumaraon nga limited face-to-face classes ha bug os nga nasud.
Sumala kan Gerry Ocenar, Divison Information Officer han DepEd Samar, nakasurat ha guidelines nga ugsa ig-validate in magkakamayda anay hin ocular inspection ha mga eskwelahan agud maseguro nga 100% andam an mga ini ha in-person classes.
Usa gihapon ha requirements nga gin-aaro ha mga eskwelahan in kinahanglan nga mayda an mga ini contingency plan nga ginhimo kaupod an tagsa LGU.
Nakabutang daw hini an mga plano pananglitan may magpositibo nga mga estudyante ha pagdudumara hin face to face classes.
Gin-aaghat naman hini an ngatanan nga mga kag-anak sugadman an ira mga anak nga magpabakuna na kun mayda na abilable nga bakuna para ha ira agud mas maging andam ha pagdudumara hin in-person classes.
