Suportado ni Senate Pro Tempore Panfilo “Ping” Lacson an panukala nga joint oil ngan gas exploration han butngan han Pilipinas ngan China, labi na ha West Philippine Sea, ha butnga han hulga ha pankalibutan nga suplay han lana durot han kasamok ha Middle East.
Sumala kan Lacson, kinahanglan pag-adman han administrasyon ni Presidente Ferdinand Marcos Jr. an nasabi nga pitad, mahitungod nga mayda ini potensyal maghatag hin dako nga kita ngan makabulig ha energy security han nasud.
Sugadman, iginduon hini nga an anuman nga kasabutan in kinahanglan mahugot nga sumunod ha 60-40 foreign ownership rule nga nakasurat ha 1987 Constitution, kun diin dire maubos ha 60% an kinahanglan nga panag-iya han mga Pilipino.
Dugang pa han senador, bisan man kun mayaman ha lana ngan natural gas an West Philippine Sea, kulang an Pilipinas ha teknikal ngan pinansyal nga kapas agud magdumara hin eksplorasyon hin mag-usa. Ha lain nga bahin, mayda an China han kinahanglan nga teknolohiya para hini.
Sumala pa hihi, kun matugot an China ha 60-40 nga tunga, ini an indikasyon han pagkilala ha soberanya han Pilipinas ha nasabi nga kadagatan.
Ginbalikan gihapon ni Lacson nga hadton administrasyon ni Rodrigo Duterte in ginhingadayan an sugad nga inisyatiba kaupod hi Senate President Vicente Sotto III ngana nay Senador nga hi Gregorio Honasan, kun diin abri an anay Presidente hini.
