TACLOBAN CITY – Ginpahayag han Office of Civil Defense (OCD) Regional Office 8 nga waray major damages nga naidurot an nahitabo nga 6.5 magnitude nga linog ha pira nga parte ha Sinirangan Bisayas kun diin nahipatik an sentro hini ha San Julian, Eastern Samar.
Sumala kan Henry Anthony Torres, Regional Director han OCD 8, subay ha ira assessment minor damages la an naidurot han linog sugad nala han mga minor cracks ha pira nga mga building, eskwelahan, ospital, simbahan, karsada ngan pira nga mga pasilidad ha magkadirudilain nga parte han rehiyon.
Waray gihapon naidurot nga danyos an sumunod nga mga aftershocks nga nahitabo kakulop nga adlaw.
Ginklaro naman hini nga dire konektado an linog nganhi ha E. Visayas ha nahitabo naman nga linog ha Luzon.
Dugang pa hini nga an pag-gius han tuna ha Zambales-Pampanga area in durot ha local fault samtang trench related naman an nahitabo ha Sinirangan Bisayas.
Ini in nangangaruyag signgon nga labot la nga hirayo ha kada tagsa an mao nga mga probinsya magkaiba an fault system nga gumius sanglit waray ini koneksyon ha usa’t usa.
Una na nga ginwara han Phivolcs an kabaraka han mga mga residente nga bangin magdurot hin tsunami an linog nga umigo ha rehiyon kakulop.
