TACLOBAN CITY- Malipayon nga igin malatumat ha publiko han ahensya han PhilHealth nga may ada kabug-osan nga 54 ka klase hin medisina an sakop han progma nga PHILHEALTH GAMOT nga puydi matagamtaman han mga meyembro sugad man an kada meyembro han PhilHealth in may-ada 20,000 annual benefit limit nga mga benepisyo pinaagi han prescribe medicine han mga doctor.
Sumala kan PhilHealth Regional Office 8 Public Relations Officer Mar Zabala, usa ha mga pinakadako nga gastos yana nga tuig han mao nga ahensya an mga medisina o maintenance drugs.
Pinaagi han mao nga programa in dako an maibubulig hini ha mga katawhan mahitungod nga kun magkakasakit an mga ini in waray na pro-problemahon pa pag abot ha mga medisina as long as nga an prescribed medicine in kaupod ha 54 nga mga medisina na covered hiton PhilHealth.
Agud makatagamtam an mga meyembro hini nga programa in kinahanglan mag accredit an ahensya han PhilHealth ha mga pharmacies kun diin, sumala kan Zabala in on going na yana an pakikipag himangraw han mao nga ahensya ha mga chain pharmacies.
Samtang, gin aaghat naman ni Zabala an mga LGU’s nga waray dagko nga mga botika, nga an mga local pharmacies in mag apply for accreditation ha PhilHealth RO8 agud mas durodamo an mga parmasya nga akreditado han PhilHealth sugad man damo an makakadtuan han mga meyembro pag avail han programa nga PhilHealth Gamot. (Bombo NiÑa Magpili)
