Gin e-estudyohan han House Mega-Committee ha energy crisis an balaodnon nga himuon kumo electric an diri maubos ha katunga nga mga sarakyan han gobyerno agud maibanan an pagdepende ha lana ug mas mapagaan an epekto han naghihikahitaas nga presyo han lana ha nasud.
Sumala kan House Ways and Means Chairman ngan Marikina Rep. Miro Quimbo, ini nga pitad in usa ha pinakamadagmit ngan praktikal nga pitad nga puydi himuon han gobyerno.
Gumawas an mao nga balaodnon ha siyahan nga hearing han LEAD Council kundiin, an panuyuan hini in agud pakusgon an kakayahan han ekonomiya kontra ha oil price shocks.
Ha kaluyo han himubo nga ihap han pag gamit hin diesel ha power generation ha nasud, nagpapabilin nga nakadepende ha lana an sektor han transportasyon.
Gin tagan duon pa ni Quimbo an panginahanglan nga mas mapadagmit an pag gamit han renewable energy, solar, ngan battery technologies, kaupod na an paghahatag hin insentibo nga mga industriya hini.
