TACLOBAN CITY– Naugbaw an 5 nga panimalay ha natabo nga sunog ha Brgy. Palaypay, Basey, Samar, kanina hiton ala-una han ka-agahon.
Sumala kan SFO1. Emmanuel Adona,Duty Investigator, Basey Municipal Fire Station, dayon hira nga nagdumara hin pagresponde ha nasabi nga sunog, ngan gindeklara an fire-out han 1:57 han ka-agahon.
Subay ha ira gindumara nga imbestigasyon, ha 5 nga panimalay nga dabi han sunog, 4 dinhi an totally damage, ngan 1 naman an partially damage.
Mababaruan nga an 3 naman ha mga ine in himo ha light materials, ngan an 2 in himo naman ha conrete materials.
Ginbabana-bana naman nga sobra P1M an ginbayaan nga danyos han nasabi nga sunog.
Ha pagkayana, padayon pa an imbestigasyon hiton mga kapulisan, agud mga matudlok an tinuod nga rason kun kay-anu nagtikang an kalayo.
