TACLOBAN CITY – Gin-implementar ha publiko han Tacloban City Police Office an usa nga bago nga Police Response Strategy nga gin tawag nga 5 mins response policy kun diin, an mga kapulisan in nakatalaan nga rumesponde dayon ha mga pankinahanglan han publiko ha sakob hin lima ka-minutos.
Sumala kan TCPO Community Affairs & Dev. Unit Head, Lt. Col. Alan Camasin nga an mao nga 5 minutes response policy in gin implementar agud mabaton an problema ha norte nga dapit han syudad kun diin may ada na e-eksperyensyahan ngan nahitatabo nga mga riot ha mga pabahay.
Dugang pa hini, agud masolbar an gin aatubang nga problema ha norte in nagkaada hin activation of pabahay action force kun diin, an mga meyembro han pabahay an mismo magigin katugbang han mga pulis agud bantayan an mao nga parte ngan ma address an riot nga nahihinabo sugad man di na ini bumalik nga problema.
Samtang, ma abot naman ha sobra 100 nga mga pulis an igin deploy han TCPO ha kada barangay ug corner han syudad agud masiguro an katalwasan han publiko sugad man ma-solbar an mga gudti gihapon nga problema.
Kasumpay naman hini, ginmalatumat ni Camasin ha publiko nga kun may mga emergency o nanginginahanglan hin bulig in dayon la nga tumawag ha 911 mahitungod nga an mga kapulisan in dayon nga ma responde ha sakob hin 5 minutos.
