SPORTS–Humangyo hin asylum ha Australia an lima ka miyembro han Iranian women’s soccer team.
Gintagan naman an mga ine hin humanitarian visas ha nasabi nga nasud.
An pito ka miyembro nga upod nira in nanguna na nga umiwas samtang an lima in adto ha Australian Federal Police.
Ginpahayag naman ni affairs minister Tony Burke nga talwas an mga ine ha Australia.
Nagmulay naman an mga ine ha Women’s Asian Cup ha nasabi nga nasud kun diin umaro hira hin asylum mahitungod nga nahadlok an mga ine nga bumalik ha Iran.
Ginpahayag naman ni US President Donald Trump nga delikado an pagbiyahe nira tibalik ha Iran kun diin andam an US nga igkarawat an mga ine.
Mababaruan naman nga han pagtitikang han mulay in nagin mahimyang an mga players han ginpatukar an natinal anthem han ira nasud nga ginaalegar nga an karuyag-sidngon han iba in pagtratraydor.
