TACLOBAN CITY – Patay an usa nga bata mahuman nga malumos ha swimming pool nga namumutang ha Barangay San Roque ha syudad han Tacloban.
Sumala kan PCI Elmer Javiñar, hepe han Abucay Police Station 2, nga an biktima in usa nga 5 anyos nga bata nga residente han Tacloban.
Guinmalatumat ni PCI Javiñar nga waray mabantaye nga pumakadto ha swimming pool an biktima dida han nangarahibot an pamilya hini ha pagpangi-udto.
Una hini, nakit-an nala nga naglulutaw-lutaw ha swimming pool an biktima nga dayon naman nga ginsalbar pero ini in nautdan na hin ginhawa.
Mababaruan nga ugsa pa man hini nga insidente, usa liwat nga 14 anyos nga bata an naglutaw-lutaw ha kadagatan harani ha San Juanico Bridge.
May kalabutan hini, nagpahimatngon naman hi PCI Javiñar ha publiko nga maging mabinantayon kun may pagkatitirok an pamilya.
