TACLOBAN CITY — Umabot ha 5.4 magnitude nga aftershock an naeksperyensyahan ha siyudad han Tacloban ngan Ormoc kaparte la gihap han pag-igo han 6.5 magnitude nga linog.
Sumala kan Office of the Civil Defense (OCD-8) Regional Director Edgar Posadas, nga an mao nga pagbay-og ha Sirangan nga parte han Ormoc, nga may kahalarom nga 1 kilometro ngan Tectonic an origin.
Gin-abat naman an Intensity V ha Ormoc City ngan Kanangga, Leyte. Intensity IV naman ha siyudad han Tacloban, bungto han Jaro ngan Dagami.
Dugang pa ni Director Posadas nga ha pagkayana in naglilibot-libot hira ha Ormoc agud nga mamonitor kun mayda ba major nga damages kaparte ha mao nga pagbay-og.
Ha pagkayana in umabot na ha sobra 600 nga mga aftershocks an nahipatik tikang han umigo an makusog nga linog.
