-- Advertisements --
TACLOBAN CITY – Umabot na ha 720 an ihap han mga kabataan nga nag-eedad 5-11 anyos an nagpakakarawat na ha ira tagsa 2nd dose han COVID-19 vaccines.
Sumala kan Dra. Gloria Fabrigas, Head han Tacloban City Health Office, an mao nga mga age bracket in amo an nabakunahan mahuman iglunsar an Bakunahan dida han Pebrero 14 ha mga edad 5 tubtob 11 anyos.
An mao nga panbabakuna in gindumara ha Robinson’s North ngan Marasbaras ngan Mega vaccination center.
Mababaruan, damo pa nga mga COVID-19 vaccination sites an nag-abre dida han nakalabay nga mga adlaw ha Brgy. 76, Brgy. 100, Brgy. 101, ngan Guadalupe Heights Integrated School agud nga mas mapahugot pa an vaccination drive ha syudad.
