TACLOBAN CITY – Maabot ha 41 nga mga benepisyaro ha magkalain-lain nga mga resettlement sites ha Norte Tacloban an nakatalaan nga maghuhuman han Organic Vegetable and Native Chicken Production nga livelihood training hiton City Agriculture Office, yana nga tiarabot nga Setyembre 27, 2022.
Una hine nagkamayada anay an buhatan hin 45 nga mga benespisyaryo pero an upat dinhe in waray makaghuman hin 15 diyas nga trainings.
Sumala kan Rommelo Anade, Head han City Agriculture Office han Tacloban, nga gintakangan an ira training han nakalabay nga Setyembre 5 yana nga bulan, kun diin gindumara ine ha Streetlight Foundation Compound ha Brgy. 108 Tagpuro.
Panuyo naman han mao nga training nga makaghatag hin dugang nga hibaro ha surok hiton pakabuhi han mga benepisyaryo agud nga makabulig ha ira pan adlaw-adlaw nga pangastos.
Dugang pa han mao nga opisyal, nga ha mao nga programa mayda naka-andam nga 200 kabug-os nga mga native nga manok, kun diin an usa kagatos dinhe in mga ready to lay ngan 100 naman nga 2 months old nga chicken, ngan ine in para ha mga maghuhuman han nasabi nga livelihood o adton mga benepisyarayo nga naka kompleto han 15-days trainings.
Mababaruan, nga kasugbong han City government Agriculture office an Streetlight Foundation, Bayan Academy, BPI Foundation, NHA, TESDA, CITY AGRI, DTI, ngan DOLE.
