ORMOC CITY – Umabot ha walo nga fisherfolk associations o subra 400 coastal families an nakakarawat han 24.5-hectare facility nga Mariculture Park ha syudad han Ormoc.
An nasabi nga Mariculture Park facility in igin hatag han Department of Agriculture – Bureau of Fisheries and Aquatic Resources 8 fully covered hiton Environment Compliance Certificate (ECC) ngan nag susunod han tema nga “Cultivating a Sustainable Legacy, Securing a Thriving Livelihood”.
Sumala kan Bureau of Fisheries and Aquatic Resources 8 OIC Rigional Director Dominador Maputol, panuyuan han nasabi nga mariculture park in agud mas mapadamo pa an produksyon ug ihap han mga milkfish o bangus ngan high-value species.
Kundiin, gin lalauman nga makakaharvest hin gin eestimitaran 38 metric tons hin bangus an mao nga mga benepisyaro ha ika duha nga semester han tuig 2026.
Kasumpay hini nga mariculture park in nag alutaga an ahensya han BFAR hin maabot P12 million worth of interventions sugad han aquaculture fish cages para ha livelihood program kaupod na an upat nga circular HDPE cages, upat nga modular HDPE cages, sugad man an feeds ug harvest supplies. Samtang nag hatag naman hin 20 nga bamboo cages (5×5) an lokal nga panggobyernohan han Ormoc kumo indibidwal nga supporta ha mga fisherfolk.
