TACLOBAN CITY– Nagkarambola an upat nga sarakyan ha may Bati-awan, Taft, Eastern Samar.
Sumala kan PMSG. Dixon Esplago, Investigator on Case, Taft Municipal Police Station, ha ira pag-abot naabtan nala nira ha area han insidente, naabtan nala han mga ine an mga driver han involve nga mga sarakyan.
Dabi ha insidente an passenger jeep, utility van, russi chariot, ngan nghan private truck.
Subay ha ira nagin imbestigasyon, na-uuna an passenger jeep, nasunod an russi chariot, ngan an utility van kahuman in an private truck, tanan han mga ine in ginbabay-bay an Taft nga kalsada pakadto ha Can-Avid han matabo an insidente.
Ha mao nga panhitabo, nag probar nga mag take-over han utility van, ngan nahikalasan nala hira nga binmungo na hira ha matag-usa, kun diin ginkikita nga rason an urhi nga pag-preno han truck ha ira luyo an nagin kawsa han disgrasya.
Waray naman may naawat han kinabuhi ha nasabi nga insidente, samtang nakaghipatik naman hin minor injury ha usa nga pasaheros pero dayon naman ine nga natagan hin atensyon medikal.
Ha pagkayana, nagkasarabot an tanan nga aaregluhon an sitwasyon, ngan an oprator han truck an magbabaton han tanan nga kabaraydan han insidente.
