TACLOBAN CITY- Malinampuson nga nakakarawat hin pasidungog tikang ha Department of Social Welfare and Development an upat nga centenarian ha probinsya han Biliran.
Lakip ha mga nakakarawat hin tag 100 mil pesos hira Simeon S. Angcon, 104 anyos an pangidaron han Brgy. Sto. Nino, Naval, Biliran , Marcelino F. Padilla, 103 y.o. han Brgy. Palengke, Caibiran, Biliran, Juana Arcena Dadison, 101 y.o. han Brgy. Bunga, Cabucgayan, Biliran, ngan Celestino Blansag Mediana -101 anyos nga residente han Bilwang, Kawayan, Biliran.
Mababaruan nga base han guinsusunod nga Republic Act 10868 o an Centenarian Act of 2016, makarawat hin P100,000 cash gift an mga Filipino nga makakaabot ha 100 anyos nga pangidaron.
Guindumara an mao nga seremonya kumo kaparte ha pagselebrar han ika-25 nga Biliran Provincehood nga guin kalakipan naman han magkadirudilain nga aktibidadis.
