-- Advertisements --
TACLOBAN CITY – Patay an usa nga 4 anyos nga bata mahuman nga masunog an ira panimalay ha Allen, Northern Samar.
Sumala kan FO3 Hazel Roxas, Chief Investigator han Allen Fire Station, nga an mao nga bata la ngan han iya bugto nga 8 anyos an nakadto ha ira panimalay han matabo an sunog.
An kandila nga gingagamit nira kumo suga an ginhihingita nga hinungdan han BFP nga gintikangan han sunog.
Madagmit naman nga kumalat an kalayo matungod nga himo tikang ha light materials an mao nga balay.Nahibaruan nga pareho nakadto ha trabaho an kag-anak han biktima ngan an 13 anyos nga ate han mga ini an pirmi nabibilin nga bantay ha ira.
