TACLOBAN CITY– Maabot ha 394 nga mga pamilya o 1,033 nga mga indibidwal an apektado han shearline, ha Eastern Samar, kun diin naeksperyensyahan na ini nga mga pag-uran.
Sumala kan Office of the Civil Defense, Information Officer, Sher Rysiah Saises, nga ha nasabi nga ihap nahipatik an Can-Avid Eastern Samar, hin 1 ka pamilya nga nag-evacuate kun diin mayda ine 9 nga indibidwal.
Dugang pa ni Saises, nga tungod han waray hunong nga pag-uran han nakalabay nga adlaw, nagin kawsa ini hin pagbaha ha pira nga parte han Samar ngan Eastern Samar.
Base han ira assessment, mayda liwat nahipatik nga pagbaha hi Lope de Vega ha pira ngan mga barangay ha Catarman Samar, pero waray pa nahipatik nga nag-evacuate han nasabi nga mga lugar.
Temporaryo naman nga ginpagbawal an pagbiyahe ha kadagatan ha mga gudti nga baluto agud nga mahirayo ine ha kadelikaduhan.
Samtang, nagpatuman gihapon hin suspensyon of classes ha tanan nga lebel an munisipalidad han Pagsanghan Samar.
Sugadman , waray naman may ginpasaradhan nga karsada karuyag sidngon passable an mga ine.
Ha pagkayana, waray pa ginhatag nga family food packs, pero nakadepende la ha mga LGUs kun dayon hira maghahatag hin bulig para han mga nag-evacuate nga mga residente.
Nagpahayag naman hin kaandaman an OCD-8 hin kaandaman ha tanan nga posible matabo.
