TACLOBAN CITY– Ginpahibaro han Department of Education Eastern Visayas, nga duha nga School Division an nagpasa ha ira hin report nga naapektaran han 5.8 magnitude nga linog nga umigo ha Southern Leyte.
Sumala kan Department of Education Eastern Visayas, Information Officer, Jasmin Francisco Calzita, an mga ine asya an Southern Leyte Division nga Maasin Division.
Ginmalatumat ni Calzita, nga subay ha report monitoring nga ira nakarawat han ira buhatan, ada ha 343 kabug-usan nga classrooms an apektado ha Southern Leyte, kun diin maabot ha 28 an totally damage, 63 major damages, 219 minor damages, 22 naman an naguba ha mga temporary classrooms, ngan 28 nga mga tiolets damages.
Dugang pa ni Calzita, maabot naman ha 546 nga mga armchairs an nagkaguguba, gin-iistimar naman nga maabot hya 4K nga mga computer an nadarahigan ha nasabi nga linog.
Ha lain nga bahin, maabot naman ha 78 nga mga classrooms an nahipatik nga napektaran ha Maasin City, kun diin maabot
20,677 students an apektado ha nasabi nga mga eskwelahan.
Waray naman nahipatik nga mga namatay ha mao nga linog.
Ha pagkayana, naghimo hira mga temporary shelters para ha mga apektado nga classrooms, ngan magpapatuman gihapon hira hin modular learning para ha mga duro nga naapektaran nga eskwelahan.
Padayon an ira pakikipagsumpayan ha mga otoridad Philvocs, ngan mga division ha nasabi nga munisipalidad.
