TACLOBAN CITY – Ada ha 32 nga mga iskuylahan han syudad han Tacloban an gin andam han Department of Education Tacloban City Division para gamiton nga polling centers, kun diin kaurugan han mga ine in elementary schools ngan duha naman an high schools.
Sumala kan Department of Education Tacloban City Division Information Officer, Dr. Nilo Eder, 416 nga mga classroom an gagamiton kumo voting centers ngan 199 naman nga classrooms an gagamiton kumo ‘waiting rooms,’ kaupod na an building, ngan ada naman ha 217 nga classrooms an gagamiton naman kumo voting precincts.
Samtang, sobra 880 naman nga mga teaching personnel ngan 88 nga non-teaching personnel an nasabi nga dibisyon an nakatalaan nga ig deploy para mag-serbi ha adlaw han piniliay.
Ha lain nga bahin, nagpapadayon pa naman an pangandaman nga ginbubuhat han Department of Education agud masiguro an hapsay ngan mahimyang nga piniliay.
Kalakip naman ha nasabi nga pangandaman an in an kondisyon han mga classrooms, lingkuran, kuryente, ngan mga election paraphernalia tikang ha Commission on Elections nga gagamiton ha adlaw han piniliay.
