TACLOBAN CITY – Maabot ha 31 nga mga pamilya an apektado kahuman nga maugbaw an mga panimalay ha natabo nga sunog ha Sitio Isla Verde, Brgy. Dolho, Bato, Leyte.
Sumala kan SFO1, Dave Cortes, Duty Investigator han Bato Municipal Fire Station, nga nagtikang an sunog dida han alas 2:10 han kaagahon ha sentro nga parte han mao nga barangay kun diin madagmit nga nagsarang an kalayo mahitungod nga tikang ha light materials an kaurugan nga mga kabablayan ngan haros magkadirigkit an mga ini.
Dugang pa han opisyal, nga maabot ha sobra P1M an ira gin estimar nga danyos han nasabi nga panhitabo nga kun diin aada ha 28 nga pamilya an nahipatik nga totally damage an mga panimalay ngan 3 naman an partially damage.
Hapagkayana, in nagpapabilin nga aada laanay ha evacuation center an mga apektado nga pamilya ngan padayon naman an ira ginbubuhat nga imbestigasyon agud mabaruan an hinungdan han nasabi nga panhitabo.
