TACLOBAN CITY — Manilampuson nga nadakop han mga kapulisan han Palo an 3 nga mga wanted person han mao nga bungto pinaagi han pinahuruhugot nga manhunt operation.
Ginkilala an syahan nga nadakop nga hi Lourdes Balani Aldas, 48 anyos an pangidaron, residente han barangay Cabarasan Guti, may kaso nga intentional abortion ngan may ginrekomenda nga Php. 40,000.00 nga piyansa.
Sunod naman nga nadakop hi Ruel Orongan Borines, 32 anyos, security guard, residente han Zone Venus, Brgy. Pawing, Palo, Leyte.
Samtang, dakop gihapon an usa pa nga wanted person nga hi Jimmy Cios-e Agang, 55 anyos an pangidaron ngan may kaso nga rape nga may ginrekomenda nga piyansa nga P200,000.
Ha pagkayana in adto na ha kustodiya han mga kapulisan an mao nga mga wanted persons.
