TACLOBAN CITY- Guindangop han 75 anyos nga lolo ha Bombo Radyo Tacloban an 3 nga magkadikit nga puso hin saging nga tikang la mismo ha usa nga puno.
Sumala kan Lolo Rodrigo Homerez nga residente han Rizal Avenue Extension ha syudad han Tacloban ngasamtang ini nga naghaharas han iya umhanan, in nahikalasan nala ini dida han makit-an an 3 nga magkadikit nga puso han masmaranon nga klase hin saging mahitungod nga tikang ha pagkatawo hini yana pala ini nakakita han kakaiba nga puso han saging.
Dugang pa ni Homerez, nga diri mahimsog an tuna nga namumutangan han puno han saging mahitungod nga batuon an area nga guintanuman hini.
Mababaruan nga gawas la han puso han saging, may kakaiba guihapon nga tanom an guinkakapausa ha pira nga parte han Sinirangan Bisayas.
Guintutuuhan naman han usa nga tambalan nga swerte an 3 nga magkadikit nga puso hin saging.
Sumala han tambalan nga hi Antonio Recamadas nga an tanan nga kakaiba nga butang in may hilarom nga karuyag signgon ngan gamit.
Guin malatumat ni Recamadas nga ini in may kalabutan han mga anting-anting o kakaiba nga gahom nga baga- baga daw hin usa nga mutya.
Posible daw ini nga magdara hin swerte ha usa nga tawo ha iba nga pamaagi.
