TACLOBAN CITY – Ginkuha na han usa nga babaye nga nagpakilala nga nanay han usa nga 3 months old nga baby nga gintutuuhan nga gin-abandona ha may New Bus Terminal ha Tacloban.
Sumala kan PSI Edwin Cañamaque, hepe han Abucay Police Station 2 ginkilala an mao nga babaye nga hi Eleanor Ballena, 38 anyos kun diin ginpahayag hini nga hiya an nanay han mao nga baby.
Ha ginbuhat naman nga interogasyon, ginsumat ni Ballena nga napiritan hiya nga igbilin an mao nga bata mahitungod nga nag-iinaway hira han iya live in partner ngan karuyag daw hini nga kuhaon ha iya an baby.
Ginbalik pa daw niya an iya anak ha mao nga terminal pero waray na ini.
Ha pagkayana in ada na ha kustodiya han mao nga nanay an baby mahuman ini nga magpabilin ha Women’s Shelter ha Tacloba ha sakob hin haros duha kaadlaw.
