INTERNATIONAL – Ginlalauman ga maapektaran an maabot 250 milyones katawo ha heat wave nga presente nga naeeksperyensyahan ha southeastern US.
Posible gihapon nga maapektaran na an Midwest ngan northeast nga parte han nasud.
Sumala ha National Weather Service (NWS), an temperature in magpapabilin ha 32 Degrees Celsius o mas hitaas pa ngan mahagos hin usa kasemana o kutob ha Hunyo 26.
Posible pa na umabot hin kutob 40.56°C (105°F) an temperature ha pira nga mga lugar.
Ginlalauman gihapon ga maabat han Chicago, Indianapolis, Cleveland, Pittsburgh, Philadelphia, ngan Boston an ira “hottest days of the year,” nga dudunganan pa han mas hitaas nga humidity levels.
An southeast US in nakakaabat hin heat dome, kun diin naiipit hin high pressure systems an mapaso nga hangin rason para dire makasakob an mahagkot nga hangin.
