-- Advertisements --
INTERNATIONAL–Maabot ha 25 an patay mahuman han pagkarumpag han scaffolding ha usa nga simbahan ha Ethiopia.
Natabo ini ha Menjar Shenkora Arerti Miriam Church ha rehiyon han Amhara.
Mababaruan nga nagsisimba an mga tawo ha mao nga simbahan han mahirumpag an scaffolding hini.
Usa ha mga gintutudlok nga rason han karumpag in matungod ha nga damo an sinmaka ha scaffolding para makakita han mural han kisame.
Dayon naman nga gindara ha pinakaharani nga ospital an dire maubos 20 nga inidbidwal mahuman nga makag-angkon an mga ine hin kasamdan.
