TACLOBAN CITY – Kumarawat hin National Certificate II an 25 nga anay membro han walhun nga grupo nga nag-gradwar ha Organic Agriculture Production.
Sumala kan Tacloban City Agriculturists Office Head, Romelo Anade, ine nga 25 nga ihap in an syahan pala nga batch han mga formel rebels nga nag-gradwar ngan mayda masunod nga batch kun makakuha na utro hira hin slots tikang ha Technical Education And Skills Development Authority (TESDA).
Dugang pa hine, mahitungod nga certified NCII holder an mga ine in makakabulig na hira ha ira mga igkasi parag-uma ngan sugadman ha sektor han agrikultura labi na nga usa manggud ha mga hingyap han nasud in magkamay-ada hin food security.
Gin paangbit pa hine ha kadamo-damo han mga program nga gino-offer han mga learning schools ha syudad, ine an syahan nga higayon nga mga former rebels an ira mga benepisyaryo ngan ine daw gihapon an batch nga pinaka-disiplinado ngan organisado ha ngatanan nga namag-gradwar.
Pira ha mga competency nga gintutdo ha mga ine in an paghimo hin mga rganic nga abuno, utanon, pesticide, paghahayupan hin organic nga manok ngan iba pa nga livestock, ngan sugadman an entreprenuership o pagnegosyo.
