TACLOBAN CITY – Nagin malinampuson an gindumara nga 2024 Regional Science, Technology, and Mathematics Fair dida han nakalabay nga semana kun diin an host an Department of Education Tacloban City Division.
Sumala kan Department of Education Tacloban City Division Information Officer, Dr. Nilo Eder, an nasabi nga aktibidad in gin partisiparan han magkaduru-dilain nga dibisyon tikang ha Sinirangan Bisayas.
Usa naman an Tacloban City Division ha mga nakag-uli hin kadaugan tikang ha nasabi nga paisan-isan kun diin nakuha han mga istudyante han Leyte National High School an kampeonato ha STEM Innovation Expo Team Category, Best Project, Best Poster, ngan Best Presenter.
Nakuha gihapon han Tacloban City Division an 2nd Runner-Up han Life Science Team Category.
Ginkilala naman kumo Overall Champion an Calbayog City Division; First Runner-Up an Leyte Division; ngan Second Runner-Up naman an Baybay City Division.
