TACLOBAN CITY – Maabot ha 20 nga mga ginkikilala nga child laborers ha syudad nga inisyal nga mga benepisaryo han Project Angel Tree an nakakarawat hin sayo nga pamaskuhan.
An mao pitad in usa nga community based intervention program nga ginmugna han Department of Labor and Employment (DOLE)-North Leyte Field Office (NLFO) ha koordinasyon han local government pinaagi han Public Employment Services Office (PESO) ngan han City Social Welfare and Development Office (CSWDO) nga nagpapanuyo nga masalbar an mga kabataan ha pagiging child laborers.
Sumala kan Grace Sudario Executive Assistant III han siyudad han Tacloban, matungod ha pandemiya in nagdesisyon an mga ahensiya nga manhatag hin nutritous items ngan personal protective equipment kaupod na an 10 kakilo nga bugas,grocery packs, ngan usa kabox nga facemask ngan Vitamin C.
Ha ilarom gihapon han “Project Angel Tree ” in naghahatag an mga ahensiya hin social service kaupod na an mga pagkaon,panapton,educational assistance o school supplies ngan pati na mga livelihood assistance ngada ha mga pamilya para mapaupay an ira economic ngan social condition.
