TACLOBAN CITY – Patay an 2 nga indibidwal samtang samaran naman an usa mahuman an natabo nga shooting incident ha Barangay Mabini, Ormoc City.
Ginkilala an mga biktima nga hira Rizalina Cañete, 29 anyos; Redford Judilla, 31 anyos; Ma. Theressa Teves, 37 anyos ngan pareho mga residente han mao nga lugar.
Sumala kan PLt Joseph Inay, Station Commander Ormoc City Police Station 1, subay ha inisyal nga imbestigasyon nga nakadto ha gawas han ira panimalay an mga biktima han tigda nala an mga ini nga pagpamusilon han waray pa makilal-e nga mga suspek.
Nag-angkon naman hin mga igo ha magkadurudilain nga parte han lawas an mga biktima nga nagresulta ha kamatayon han duwa ha mga ini samtang an usa naman in padayon nga nagpapaupay ha ospital.Ha pagkayana in padayon pa an gindudumara nga imbestigasyon han mga kapulisan kun anu an motibo ngan hino an nagpapaluyo ha mao nga krimen.
