NATIONAL NEWS | Ginmalatumat ni Senator Erwin Tulfo nga may duha nga senador an karuyag bumalhin hin mayorya ha Senado, pero ginpupugngan daw ine ni Senator Alan Peter Cayetano.
Ha nagin pahayag kan Tulfo nga labot kan Senator Joel Villanueva, nga nagpahayag nga maatinder yana nga adlaw hiton special session, Hunyo 17, mayda pa duha nga senador nga nagpahayag nga karuyag nira maki-parti ha grupo nga ginpapangunahan ni acting Senate President at Senate President Pro Tempore Sherwin ”Win” Gatchalian.
Subay pa ha senador, nababaraka an duha nga senador ha posible nga magin epekto han ira pagbalhin, kalakip na an mga batikos ngan pag-atake tikang ha mga vlogger ngan troll nga nasuporta ha nasabi nga grupo.
Dugang a ni Tulfo, ginpapag-adman pa han duha nga senador kun pati-unano hira makakabalhin ha kampo nga dire nadadamay an ira mga pamliya ha bisan anu nga negatibo nga reakson.
Samtang, ginlalauman namna nga magigin klaado ha special session yana nga adlaw kun may mga senador nga pormal nga mabalhin ha han-ay han bag-o nga mayorya ha Senado.
