TACLOBAN CITY – Patay an duha nga preso mahuman nga magprobar nga umeskapo kaupod an unom nga iba pa nga mga inmates ha Calbayog District Jail Facility ha Gadgaran, Calbayog City ha Samar.
Sumala kan Pol. Col. Andrei Dizon ,Provincial Director han Samar Police Provincial Office, walo nga mga preso an nagprobar nga tumakas ha mao nga jail facility pero dayon an mga ini nga ginlanat han mga otoridad kun dii napusil-patay an duha ha mga ini, nadakop an usa ngan nakaeskapo naman an lima nga iba pa.
Subay ha inisyal nga imbestigasyon nagkaada hin higayon nga makatakas an mga pugante han may umulpot nga delivery hin mineral water kun diin pag-abre han gate in dayon nga nandadlagan pagawas an mao nga mga inmates.
Ha pagkayana in padayon pa an ginbubuhat nga hot pursuit operation han mga kapulisan agud nga madakop ngan maibalik an mao nga mga pugante.
Padayon gihapon an imbestigasyon kun nagkaada hin kapakyasan an mga jail officers nga nakaduty han mahitabo an insidente.
