-- Advertisements --
TACLOBAN CITY – Nakasulod ha top 10 ha kahuhuman la nga Agricultural and Biosystems Engineer Licensure Examination an duha nga taga-Eastern Visayas.
Ginkilala an mga ini nga hira Gerald Decio Ompod, nga nakakuha hin 81.27% ngan Donna Velardo Pagliawan, nga may passing rate nga 80.02%, pareho mga nangradwar ha Visayas State University-Baybay City.
Sumala kan Narcival Randy Taquiqui, Regional Director han PRC Region 8, nga ada ha 1,886 an kabugosan nga ihap han mga nagtake han mao nga exam ngan 711 dinhi an mga nagpakapasar.
Nagpahimatngun naman ini ha mga nagpakapasar nga magpa register na online ha website para ha ira PRC ID ngan certificate of registration para ha December 9-10.
